影片
更多
2018-10-16
1163 瀏覽
新北江樓下依間鋪頭無幾耐前轉左手，餐單都轉埋，所以想去試下，順便都叫支持下新開既小店，點知非常有驚喜！首先，依間鋪頭係用《即叫叫整》既造法，任何食品即刻整出黎，熱辣辣咁食，一定兩三倍好食，特別係薯條同漢堡，雖然要等15分鐘左右都非常值得。其次，鋪頭採用非開放式既廚房，所以可以透過玻璃睇到廚師做緊咩，我就睇到廚師帶住手套打漢堡餅，所以好肯定唔係出面買一塊塊肉餅直接煎，重有即刻整炸雞塊同薯條，非常衛生又有誠意。1）手打漢堡（$30）係張相果到睇到，無論係紙盒，張包紙或者竹籤，鋪頭想提供一個美式既感覺比食客。而講漢堡既餡料，上層既麵飽塗有千島醬，然後順序有青瓜，蕃茄，洋蔥，芝士，牛肉漢堡，生菜絲，下層既麵飽就有沙律醬。雖然睇張圖可能會覺得塊漢堡好似好細塊，但係我見到廚師每塊漢堡都有用磅秤重，而且佢塊漢堡係非常厚身，有三四塊麵包皮疊埋咁厚。而味道黎講都相當唔錯，一啖咬落去，所有既配料都好夾，互相配合，唔會話搶左牛肉既味道，而且牛肉係呈現粉嫩色而且好Juciy，食晒成個飽都唔會覺得好膩，會令人想再Encore一次！一個字：正！完全超出左30$既價錢比到你既野！不過，都有少少失分既地方就係牛味略嫌
首先，依間鋪頭係用《即叫叫整》既造法，任何食品即刻整出黎，熱辣辣咁食，一定兩三倍好食，特別係薯條同漢堡，雖然要等15分鐘左右都非常值得。
其次，鋪頭採用非開放式既廚房，所以可以透過玻璃睇到廚師做緊咩，我就睇到廚師帶住手套打漢堡餅，所以好肯定唔係出面買一塊塊肉餅直接煎，重有即刻整炸雞塊同薯條，非常衛生又有誠意。
1）手打漢堡（$30）
係張相果到睇到，無論係紙盒，張包紙或者竹籤，鋪頭想提供一個美式既感覺比食客。而講漢堡既餡料，上層既麵飽塗有千島醬，然後順序有青瓜，蕃茄，洋蔥，芝士，牛肉漢堡，生菜絲，下層既麵飽就有沙律醬。
雖然睇張圖可能會覺得塊漢堡好似好細塊，但係我見到廚師每塊漢堡都有用磅秤重，而且佢塊漢堡係非常厚身，有三四塊麵包皮疊埋咁厚。
而味道黎講都相當唔錯，一啖咬落去，所有既配料都好夾，互相配合，唔會話搶左牛肉既味道，而且牛肉係呈現粉嫩色而且好Juciy，食晒成個飽都唔會覺得好膩，會令人想再Encore一次！一個字：正！完全超出左30$既價錢比到你既野！
不過，都有少少失分既地方就係牛味略嫌淡左少少，而且漢堡肉排可以薄D但闊D，唔係最後會出現有飽無肉既情況，同埋好緊要既係：包皮可以烘個底，一黎佢D肉汁同醬汁唔會好快整冧左個包；二黎食落去更加有燒烤果種焦香味黎。
手打漢堡
$30
70 瀏覽
0 讚好
0 留言
2）肉醬熱狗（$28）
非常之好味，好味到我覺得鋪頭可以由「漢堡佬」改名做「熱狗佬」！成條熱狗有18CM咁長，而且肉醬多到可以連條腸都唔見埋！而肉醬個味係偏甜，非常濃稠，而且食到一粒粒洋蔥同蕃茄，可以話係：無何挑剔之選！！！
肉醬熱狗
63 瀏覽
0 讚好
0 留言
3）薯條+汽水（+10$轉餐）
無野食係可以比得上即刻炸出黎既薯條🍟！鋪頭提供：芝士，紫菜，蜂蜜芥末同蒜味。唔似麥記果種幼而空心既薯條，鋪頭係用粗而實心既薯條，所以食落去好實在，而且我選擇既蜂蜜芥末醬汁都非常惹味，酸酸甜甜，好岩開胃，份量非常足夠，鋪頭重好貼心比籤你食，可以唔駛整污糟隻手。加10$的話，一定要轉餐！淨係薯條都值回票價！
薯條
61 瀏覽
0 讚好
0 留言
整體黎講，10分內面我會比佢有9分，瑕不掩瑜！而且40$可以買到比麥記更好食既餐，重要無化學野，非常值得大家支持依間新北江小店！
張貼
