瑞士咖啡室 (已結業)

今日同朋友去鑽石山，之後行去新蒲崗附近搵嘢食，見到網上講有間瑞士咖啡室唔錯，於是跟住地圖行去搵啦。 當日係公眾假期，所以咖啡室只係開咗一半坐位，我哋搵咗張卡位坐，仲叫咗一個常餐配公仔麵。 餐廳裝修十分有特色，掛咗好多懷舊香港嘅畫同埋一啲牌。 過咗五分鐘左右瑞士雞翼同面分別送上，瑞士雞翼係放喺個面上面，瑞士雞翼有兩隻。個瑞士汁好香，隻雞翼都好入味，至於過面就不過不失。 過多五分鐘，火腿奄列同埋西多士一齊送上。火腿奄烈味道不錯，而多士牛油比較少，味比較淡。