影片
更多
2017-05-26
3446 瀏覽
今日老友話有間私房菜好正，誠邀我上去試吓，放工之後就二話不說，往尖沙咀奔去。間私房菜唔算難搵，個入口就係喺海防道同埋漢口道交界嘅鉅記隔離。一坐低一人一碗老火湯，今日係豬肺紅蘿蔔大白菜湯，碗湯上枱嘅時候仲係熱辣辣，一啖入口，家嘅味道即刻湧上心頭，巧滾動啊，隔左一陣湯渣送上，豬肺呢樣嘢真係好耐都無食過，又要啤幾次水又話落醋又再汆水又盛盛盛咁多功夫，老媽子多數唔會整，今日我哋有食神喇。荷葉蒜蓉蒸蝦飯，蒸蝦入口新鮮彈牙，嗰隻彈牙嘅口感一食就知道係正嘢，隻隻蝦嘅面頭都佈滿蒜蓉同埋香蔥，鍾意食蒜嘅我就啱哂喇，蝦嘅精華喺蒸嘅時候都滲哂落底下啲飯入面，令到啖啖飯都充滿著鮮味，yummy。椒鹽鮑魚，鮑魚隻隻都成半隻手板咁大，上面鋪滿被爆香嘅椒鹽，炸蒜粒，莞茜同埋辣椒，一放上枱已經香氣四溢， 鮑魚口感一啲都唔靭，特別鍾意上面嘅椒鹽辣得嚟甜甜地，好有個人嘅特色。糟鹵炒貴魚，一聽到侍應小姐放低條魚嗰陣，介紹呢個係用咗糟鹵嚟炒嘅桂魚已經即刻心心眼，心諗糟鹵咪係用嚟整醉雞嗰隻膽嚟嘅！？ 用糟鹵嚟整魚真係未試過，亦都唔係度度都有得食，果然一啖入口，糟鹵嘅香味即刻走勻成個口腔，連魚肉嘅最深深處都入哂味，我選呢個為今晚
間私房菜唔算難搵，個入口就係喺海防道同埋漢口道交界嘅鉅記隔離。
一坐低一人一碗老火湯，今日係豬肺紅蘿蔔大白菜湯，碗湯上枱嘅時候仲係熱辣辣，一啖入口，家嘅味道即刻湧上心頭，巧滾動啊，隔左一陣湯渣送上，豬肺呢樣嘢真係好耐都無食過，又要啤幾次水又話落醋又再汆水又盛盛盛咁多功夫，老媽子多數唔會整，今日我哋有食神喇。
荷葉蒜蓉蒸蝦飯，蒸蝦入口新鮮彈牙，嗰隻彈牙嘅口感一食就知道係正嘢，隻隻蝦嘅面頭都佈滿蒜蓉同埋香蔥，鍾意食蒜嘅我就啱哂喇，蝦嘅精華喺蒸嘅時候都滲哂落底下啲飯入面，令到啖啖飯都充滿著鮮味，yummy。
椒鹽鮑魚，鮑魚隻隻都成半隻手板咁大，上面鋪滿被爆香嘅椒鹽，炸蒜粒，莞茜同埋辣椒，一放上枱已經香氣四溢， 鮑魚口感一啲都唔靭，特別鍾意上面嘅椒鹽辣得嚟甜甜地，好有個人嘅特色。
糟鹵炒貴魚，一聽到侍應小姐放低條魚嗰陣，介紹呢個係用咗糟鹵嚟炒嘅桂魚已經即刻心心眼，心諗糟鹵咪係用嚟整醉雞嗰隻膽嚟嘅！？ 用糟鹵嚟整魚真係未試過，亦都唔係度度都有得食，果然一啖入口，糟鹵嘅香味即刻走勻成個口腔，連魚肉嘅最深深處都入哂味，我選呢個為今晚之最。
上湯浸津白，津白入口有勁強烈嘅鹹鮮味，跟住先慢慢滲出津白嘅甜，仲以為塊金華火腿一定會好鹹，但係原來又唔會喎，金華火腿嘅咸鮮香味悉數出哂落去啲津白度，令到兩者都一樣咁香。
蘋果咕嚕肉，用蘋果代替菠蘿用嚟炒咕嚕肉呢個感覺好清新，蘋果比起菠蘿多咗一份甜味而又少咗一份酸味，啱哂怕酸或者好甜嘅朋友，咕嚕肉嘅外邊炸得夠哂香脆，即使沾滿咗醬汁，對佢嘅脆度亦都絲毫無損，呢啲就係功架喇。
張貼
