HENRY

營業中

休息中

Henry 係我其中一間係香港最鍾意嘅扒房！牛扒選擇有好多，一入門口就有塊肉板可以睇曬個日有d 咩牛扒🤩 全第一同第二次黎都係食porterhouse! 今次終於試下新野食斧頭扒🤣 tomahawk 數量有限所以如果想食就當日再打電話留定！前菜方面試，熱前菜試左個煎蟹餅，冷頭盤就係帶子片！煎蟹餅好香口，啖啖蟹肉🦀️ 帶子片配搭粟米粒同埋purée 幾得意，食落幾清新🌽重頭戲就當然係斧頭扒🤣侍應首先原塊上之後就將佢點火！效果一流🔥黎塊牛扒特別之處係係你面前切🤩 不過上到黎準備食之際，就見到塊扒超級生… 完全唔係medium 嘅temperature😥 冇諗過塊扒咁貴會出現黎個問題… 經理同侍應都好好禮貌，過黎道歉同送番d野食比我地食住先等佢再煎一煎塊扒… 不過個人都係覺得porterhouse 好食d，斧頭扒牛味唔算好濃郁，同埋唔知係咪佢reheat 過所以我覺得肉質都唔係話好好😥 甜品方面，lava cake 冰火交融幾好食，朱古力又唔會太甜🍫 另外初初以為士多啤梨芭菲會好普通，但係又唔錯，口感非常豐富，有士多啤梨、雪糕、仲有棉花糖🤣