瑰花甜戀愛甜品屋 (已結業)

假期後遺症就是不想工作，一放工即刻出黎飲飲食食，一班人最好去甜品店吹下水。朋友未到，點住野食住等先，店內放了很多漫畫，少年系少女系，總有一本啱睇 藍莓情人芭菲自己點左藍莓巴菲，賣相挺不錯。甜甜嘅雪糕加埋酸酸地嘅士多啤梨同藍莓，口味豐富，下層係藍莓味cream同原味cream混合，好滑又不過甜，不錯呢。特濃朱古力疏乎厘朋友點左呢個，有一粒粒朱古力糕混係疏乎厘入面，外面脆得香脆，入面軟綿甜美，朱古力味香濃。香蕉兵團心太軟另一個叫呢款，第一次見香蕉味嘅心太軟呢，哈哈，為小小兵而設的吧！？香蕉味勁香，不太甜，有點意外呢。流心！香甜！熱呼呼！好正又新奇。宇治金時層層疊朋友話佢好鍾意茶x嗰個，試下呢度嘅，綠茶味雪糕真係唔錯，紅豆十分甜，夾埋一齊好好味，麵包條略硬身，吸左滆左嘅雪糕就啱哂。夏日香芒霸王丸砂冰唔食甜品可叫野飲，呢杯野勁香芒果味，飲落亦好濃味，香甜味美。花心白馬王子砂冰呢杯好靚呀，粉紅色嘅玫瑰花襯上白色砂冰，menu說是北海道牛奶啦，又香又滑。一人幾十蚊，又可吹水，又可睇漫畫，抵啦～