山脈流川 (已結業)

以餐巾取代餐紙，無限個讚 自助形式取及回收餐具，有大學食堂feel。非常寬敞嘅室外空間，有三個大型帳篷梳化「箱房」位，有大型兒童室外遊樂設施，可以開兩圍嘅BBQ空間，仲可以踩板。一出工廈貨lift食物香氣已撲鼻以來，令人垂涎。根據花樣男店員推薦，招牌菜式為意粉。就店員對自家出品的熟悉度同其細心熱誠嘅服務態度，大大加分。焗肉醬意粉芝士量多，用咗兩種芝士片，肉醬味濃，乾身不會太油，合格之上。另外友人點的蕃茄蒜蓉炒意粉，意粉軟硬度拿捏得一流。飲品方面友人勻給予正面評價。另外店內仲設有懷舊夾糖果區，大量broad game, 有文青風格衣服出售，價廉物美。