Infiniti C (已結業)

環境、食物、包裝、陳設都好靚，但份量唔多，味道正常。服務好好，店員親切。為慶祝同事生日，揀左呢間靚靚餐廳同佢食生日飯。由於疫症，所以即係舖頭細細都係坐唔滿嘅。我地叫左兩個蘑菇risotto 同一個carbonara 同埋一個 Blue Earl Grey Cake. 舖頭唔多客，但上菜時間都幾耐，1:10pm入座，到1:40pm先上菜😅 仲要食物黎到唔係好熱，只可以話係暖暖地。呢個risotto 好足料，上面舖滿蘑菇👍🏻 佢唔係好奶好creamy 個種，上面加左d 黑醋調味呢個carbonara 我無食，但同事話係一個正常嘅carbonara，而我嘅comment 係好細份😂因為唔夠時間所打包左呢到個signature cake - Blue Earl Grey 番公司食。上面嘅藍色cream 好滑好有奶味，而下面嘅earl grey 味蛋糕好鬆軟，茶味濃郁，兩著混埋就岩岩好，唔會覺得d cream 好heavy，值得一讚嘅係個蛋糕唔會好甜👍🏻 好味呀❤️（不過個蛋糕要$72 一件）總結，呢間餐廳所有野都好靚，而且係做得好全面，例如：餐紙有印花、外賣盒好靚、外賣盒個貼紙都有設計過，等等。