小白屋 (已結業)

之前睇有線阿蘇介紹已經想試，不過都係怕多人而作罷。今次經開大坑，竟然無人等位即刻有得坐，驚喜。裡面環境都好ok丫，絕對唔係茶餐廳格局，幾warm咁，坐得算舒服。因為太熱喇，所以一坐底就即刻叫左個薯仔沙律開下胃先。論開胃佢都算合格既，因為上面類似番茄絲既物體超酸，個沙律好淡，無乜味。好在令人期待既燒豬肋骨同薯條保返數，好好味喎！豬肋骨肥瘦適中，個燒汁好夾味，薯條熱辣辣又夠厚，唔點醬都好食；個pizza唔油膩，比起味精王pizza hut，呢度既算係清淡。食完呢三款之後已經再無空間叫甜品，唯有下次再試啦。