青花 (THE FOREST)

自己一直都好鐘情泰國菜，有日同朋友行行下商場，經過見到呢間裝修好靚，主打泰國菜嘅餐廳，就決定同朋友入去試吓。餐廳用咗落地玻璃，周圍擺滿好多花花草草嘅裝飾，所以日頭日光打入嚟，真係好靚成個環境好舒服。惹味拼盤首先我哋帶咗個拼盤做小食，有菠蘿雞翼，豬頸肉，雞肉串，炸雞卷同青檸雞鎚。每款小食都各有兩件，配上沙嗲醬同泰式辣醬。咁多款之中最鍾意就係菠蘿雞翼，外脆內院嘅雞翼配上酸酸甜甜嘅菠蘿，清新得來又可以減少油膩感。泰式大蝦炒金邊粉 每次食泰國菜Padthai都係必叫嘅菜式之一，表面足足有兩隻大蝦，蝦肉幾爽口彈牙，二金邊粉酸酸甜甜都幾啱我口味，可惜略嫌濕潤左少少，金邊粉有啲會痴住曬，如果可以乾身啲就好。旺來沙律雖然係沙律，但唔知點解最後先上，配上芒果同其他生果，都幾清新。紫色嘅碟豆花好靚。雖然呢間餐廳價格唔係好平，但環境係幾唔錯，主要都係食環境。