影片
更多
2020-01-23
1487 瀏覽
Plan咗好耐去西班牙都未成事，唯有喺香港食著西班牙野頂下癮先！環境氣氛都唔錯，現場仲有個DJ打下碟～Spanish Bites+Drinks（HH）$50/per person Happy Hour真係好低飲！小食連1杯酒只係$50！雖然小食只係象徵式俾一件，但平時叫杯Cocktail都唔止依個價！所以真係必叫！我就試咗以下3款，Sparking Sangria 酒味最淡，而Passiflora相對上就甜好多~下次可能會揀返傳統嘅Red Wine試下~-Sparking Sangria + Cold Cut-White Sangria + Garlic Prawn-Passiflora + OctopusIberico ham & Cheese $208 飲酒又點可以唔叫返份Ham & Cheese！咁多揀野食之中，我最滿意依個！火腿帶油香同鹹香，仲有淡淡橡果香！芝士軟硬同鹹度適中，淡淡奶香又唔會太乾，好食！Tuna Tartare $168 上面係大大粒嘅吞拿魚粒，下面係軟滑嘅牛油果蓉。混入咗芝麻油，所以整體食落好滑同好香。旁邊有烘到脆卜卜嘅麵包可以用嚟拌著食！Classic T
Plan咗好耐去西班牙都未成事，唯有喺香港食著西班牙野頂下癮先！環境氣氛都唔錯，現場仲有個DJ打下碟～
Spanish Bites+Drinks（HH）
$50/per person [分數: 8/10]
Happy Hour真係好低飲！小食連1杯酒只係$50！雖然小食只係象徵式俾一件，但平時叫杯Cocktail都唔止依個價！所以真係必叫！我就試咗以下3款，Sparking Sangria 酒味最淡，而Passiflora相對上就甜好多~下次可能會揀返傳統嘅Red Wine試下~
-Sparking Sangria + Cold Cut
-White Sangria + Garlic Prawn
-Passiflora + Octopus
Iberico ham & Cheese $208
[分數: 9/10]
飲酒又點可以唔叫返份Ham & Cheese！咁多揀野食之中，我最滿意依個！火腿帶油香同鹹香，仲有淡淡橡果香！芝士軟硬同鹹度適中，淡淡奶香又唔會太乾，好食！
Tuna Tartare $168
[分數: 8.5/10]
上面係大大粒嘅吞拿魚粒，下面係軟滑嘅牛油果蓉。混入咗芝麻油，所以整體食落好滑同好香。旁邊有烘到脆卜卜嘅麵包可以用嚟拌著食！
Classic Tortilla $88
[分數: 8.5/10]
傳統嘅西班牙奄列，圓圓嘅蛋餅，切開即有蛋汁流出！外層乾身，內裡嫩滑，有蛋香！加上上面嘅炸洋蔥同蔥花，食落好香口！
Black Angus Tenderloin $178
[分數: 7.5/10]
依個賣相非常好，雖然比較的骰咗啲！選咗medium rare，見到中間粉嫩嘅肉色，非常之漂亮！肉質軟滑，但調味鹹咗少少。中間夾著嘅係炸薯條，但口感同平時食嘅唔同，應該係自家制，好夠薯味！
Meat Paella（S）$208
[分數: 7/10]
平時西班牙飯多數係配海鮮，而依到就有伊比利亞黑毛豬西班牙飯！同樣加入咗蕃茄，比一般食到嘅酸啲，另外仲有啲西班牙辣香腸提味，不過因為肉唔算多，感覺會少少單調，可能傳統海鮮嗰款會好食啲！
Churros Ice Cream & Cake of Day $78+$78[分數: 7/10]
甜品方面，當然一定有西班牙油條！細細條炸得幾鬆脆，表面有少少糖粒，另外再配有朱古力醬，朱古力醬唔會太稀同太甜，正確啲講係帶微苦，同油條表面嘅糖粒平衡返，好食！
當日嘅蛋糕係芒果士多啤梨慕絲蛋糕，味道都唔錯，但最驚喜係個餅底！因為係用開心果碎整，越食越覺得香～再配埋上面2款口味嘅慕絲，好有層次！
Cassio (中環)
中環蘭桂坊雲咸街33號LKF Tower 2樓
張貼
