游° (已結業)

路過西環，試一試依間出名用心製作既素菜。到訪當日先致電預約，幸好book到枱，店家亦貼心地讓客人先係whatsapp落order，節省等候食物製作既時間。店內裝潢充滿藝術感，除了肚腹得到滿足，視覺同樣得到滿足。精緻的餐具。馬介休球香脆可口。香煎鵝肝配黑醋無花果擺盤好靚，一上桌已經被佢吸引，鵝肝口感細滑。普羅旺斯燉菜醬汁好好味，食得出係自家製，食材亦好新鮮。威靈頓牛今餐重點，果然無令我地失望，外型上真係好似牛肉，酥皮香脆，素牛肉多汁可口。每一樣食品都好好味，全部都係心機菜，準備需時，感受到廚師非常用心烹調。