星滙演 (裝修中)

呢間starverse幾有驚喜，佢喺尖沙咀中心嘅三樓，唔算好起眼，但原來餐廳有無敵維港景，仲有live bandshow同dance pool。今日我就約閨蜜去食個午餐。佢有weekday lunch set menu 好抵食，5個course再加埋不限時無敵大海景（$128）價錢超抵。餐廳環境唔錯，坐得十分之舒服，我地食左兩個鐘一啲都唔趕！ <Lunch set menu> ($128 per person up)Appetizer+ Entree + Main+ Dessert + coffee/tea 🔸️Appetizer: 是日餐湯+軟麵包（8／10）今日係洋蔥湯，十分足料。🔸️Entree: 炸三文魚卷（8.6／10）呢嗰擺得好靚，都幾特別，炸三文魚卷外脆內軟，有紫菜包住黎炸，好香口。 🔸️Entree: 五花腩饅頭（7.6／10）呢個稍為細舊咗啲，不過五花腩都幾香。 🔸️ Main: 蕃茄帶子長通粉（8／10）味道正常！十分大碟。 🔸️ Main: 黑安格斯封門柳配燒薯仔（+$68，8.5／10）呢個推薦，封門柳幾有牛肉香。咬落唔會靭，有肉味，燒薯仔都好多好豐富。