泰道 (已結業)

復活節嗰幾日放假就諗住去西貢行吓，搵吓餐廳，見到呢間餐廳OpenRice咁多正評，就諗住索性入去試吓啦！一入到去已經覺得個環境好正！好彩咁啱有位坐餐廳出面，望正個沙灘，放假咁樣食飯確實係好chill 頭盤我哋叫咗牛肉串燒, 大大嚿都幾好食 之後叫咗個咖喱牛坑腩配薄餅, 薄餅脆脆地, 點個咖喱汁配住嚟食真係好好食 呢個斗可以食三碗白飯!我哋仲叫咗半隻燒雞，個雞好滑呀！媽呀！呢間餐廳真係要再食多次反而個芋頭雞粒肉鬆炒飯就比較淡味少少，不過整體嚟講都算幾好食嘅。 P.S. 個芒果冰沙呢，如果有敏感牙齒千祈唔好飲呀，因為佢勁凍 呢個晏晝飯我哋食咗三個鐘，因為呢個環境實在太舒服啦！哈哈！