影片
更多
2022-09-18
1780 瀏覽
📌 紅雞 - 紅磡紅鸞道38 號香港嘉里酒店1樓01號舖🗓(18/9) 星期日 ⏰ 下午2:30左右 💈特式：今日放假散散下步又閒逛到嚟黃埔碼頭，見時間都差唔多肚餓了，又走上嘉里酒店個food court望住個海食個Tea，見到food court旁有間韓式餐廳吖紅雞，就同大家試試佢。🥩🍔🌭🌮🥗🥯🥘🍲🍝🍣🥟🍤🍱食物：佢份menu有好多選擇，淨係炸雞都有7~8種口味，d價錢又唔貴，但只係諗住食Tea，所以淨係叫左兩樣野食同兩杯飲品，但野食嚟到竟然與價錢唔成正比，好鬼大份，今晚又唔洗食晚飯了，事不宜遲等我同大家講下味道先......半半炸雞🍗(甜辣醬+秘製蒜香醬) - 因為有太多口味想試，所以叫半半，可以試多隻口味，價錢$193，如果想食去骨就要+$10，我起初諗住呢個價錢應該每隻味有3件雞左右，點知嚟到各有5大件，size仲要係大舊過KFC個d炸雞；炸雞炸得好脆又唔油膩，甜辣醬味就正正常常，秘製蒜香醬就比較特別同出邊食到唔同，佢有蒜香味亦帶有少少蜜糖味，整體兩隻都幾好食。香腸年糕串🍢 - 想食韓式年糕，但又想特別d，所以叫佢呢個香腸年糕串，價錢$138有4串，每串有脆皮腸/輕微炸
🗓(18/9) 星期日 ⏰ 下午2:30左右
💈特式：今日放假散散下步又閒逛到嚟黃埔碼頭，見時間都差唔多肚餓了，又走上嘉里酒店個food court望住個海食個Tea，見到food court旁有間韓式餐廳吖紅雞，就同大家試試佢。
🥩🍔🌭🌮🥗🥯🥘🍲🍝🍣🥟🍤🍱
食物：佢份menu有好多選擇，淨係炸雞都有7~8種口味，d價錢又唔貴，但只係諗住食Tea，所以淨係叫左兩樣野食同兩杯飲品，但野食嚟到竟然與價錢唔成正比，好鬼大份，今晚又唔洗食晚飯了，事不宜遲等我同大家講下味道先......
半半炸雞🍗(甜辣醬+秘製蒜香醬) - 因為有太多口味想試，所以叫半半，可以試多隻口味，價錢$193，如果想食去骨就要+$10，我起初諗住呢個價錢應該每隻味有3件雞左右，點知嚟到各有5大件，size仲要係大舊過KFC個d炸雞；炸雞炸得好脆又唔油膩，甜辣醬味就正正常常，秘製蒜香醬就比較特別同出邊食到唔同，佢有蒜香味亦帶有少少蜜糖味，整體兩隻都幾好食。
香腸年糕串🍢 - 想食韓式年糕，但又想特別d，所以叫佢呢個香腸年糕串，價錢$138有4串，每串有脆皮腸/輕微炸過嘅韓式年糕/韓式魚板，呢個小食係出面都無見過，再加上佢d年榚係輕微炸過，比起平時淨係軟淋淋嘅年榚更架特別同好食。
☕️🍵🥤🧋🍺🍷🥃🍹🧉🍾🍶🥛
飲品 - 飲品就叫咗1個蜜糖西柚啤酒同1個檸檬柚子沙冰，個西柚啤酒好好飲，好香西柚味，甜甜地又似入口；檸檬柚子沙冰就同出面d舖頭差唔多，同有少少酸，因為我唔係好鍾意食酸野，所以就覺得麻麻，如果下次反而想試佢個西瓜沙冰。
🍽環境：餐廳環境好舒服，地方好大，但又唔多人，靜靜地坐得好舒服，又可以望住個無敵海景，加上今日天氣好能見度高，直頭可以好清楚咁望到港島個邊，如果冬天仲可以坐戶外位，應該會仲Chill。
🤵🏻🤵🏻♀️🤵🏻♂️服務：餐廳職員態度好好，好補禮貌，樓面職員全部都係要用英文溝通的，但佢地真係好nice，因為我本身叫左其他野飲，但諗諗下想轉蜜糖西柚啤酒，我話如果整左就由佢唔洗轉，但佢都照同我換左，真係唔話得。
💰💸價錢：今日咁樣食個好飽嘅Tea埋單$500，淨睇價錢就好似有d貴，但如果計埋環境/食物質素/服務，我就覺得佢合理，話晒都係酒店內嘅餐廳，要收唔上下價錢都正常。
🐲💬總結：我幾鐘意黃埔碼頭附近d餐廳
，除咗環境一流，靜靜地嘅環境亦都係而家市區難搵之處，假期舒舒服服喺度嘆個Tea望下海，真係一絕。
推薦指數：❤️❤️❤️❤️❤️
半半炸雞(甜辣醬+秘製蒜香醬)
$193
98 瀏覽
0 讚好
0 留言
香腸年糕串
$138
62 瀏覽
0 讚好
0 留言
蜜糖西柚啤酒
$73
61 瀏覽
0 讚好
0 留言
半半炸雞(甜辣醬+秘製蒜香醬)
$193
57 瀏覽
0 讚好
0 留言
香腸年糕串
$138
38 瀏覽
0 讚好
0 留言
張貼
