影片
更多
2020-10-07
7630 瀏覽
今日同朋友生日飯😝一直喺Instagram見到好多KOL去dear lilly食afternoon tea兼打咭！果然聞名不如見面，個環境真係無得輸。呢間餐廳裝修華麗典雅，天花板以乾花佈置，抬頭見到個花海即刻少女心爆發😍餐廳設有兩個心形包廂，有歐式宮廷style嘅感覺，可惜無咩私隱度，坐出面嘅人可以直望入去。不過心形包廂好難預訂，就算生日都未必訂到咖！今次book咗6:00，我哋早咗十分鐘到。店內無咩人，侍應安排我哋坐望海海景位，一邊望住個景一邊食晚餐真係賞心悅目。入夜後店內環境更靚，氣氛更加浪漫💕。餐廳有提供Mask paper folder比客人，相當貼心！我哋今次試咗Chef’s tasting menu！有三個course😋❤️Herbs Bread 🍞 麵包加入咗香草，香草味濃🌿，麵包唔算鬆軟而且偏乾。麵包無烘過，上枱唔係熱辣辣，似放咗喺室温好耐攤凍咗。有配埋橄欖油，如果有黑醋就更好，整體味道一般。好食度：⭐️⭐️(2/5)❤️ Starter - Scottish Smoked Salmon有少少後悔揀咗呢個做starter，因為又係配麵包😂 個Smoked salmon唔算特別驚
今次book咗6:00，我哋早咗十分鐘到。店內無咩人，侍應安排我哋坐望海海景位，一邊望住個景一邊食晚餐真係賞心悅目。入夜後店內環境更靚，氣氛更加浪漫💕。
餐廳有提供Mask paper folder比客人，相當貼心！
我哋今次試咗Chef’s tasting menu！有三個course😋
❤️Herbs Bread 🍞
Herbs Bread
267 瀏覽
1 讚好
0 留言
麵包加入咗香草，香草味濃🌿，麵包唔算鬆軟而且偏乾。麵包無烘過，上枱唔係熱辣辣，似放咗喺室温好耐攤凍咗。有配埋橄欖油，如果有黑醋就更好，整體味道一般。
好食度：⭐️⭐️(2/5)
❤️ Starter - Scottish Smoked Salmon
Scottish Smoked Salmon
207 瀏覽
1 讚好
0 留言
有少少後悔揀咗呢個做starter，因為又係配麵包😂 個Smoked salmon唔算特別驚喜，有cream cheese同caper barries夾埋一齊食。
好食度：⭐️⭐️(2/5)
❤️Main Course - Corn fed whole baby chicken
Corn fed whole baby chicken
143 瀏覽
1 讚好
0 留言
值得一試，因為用咗baby chicken嘅關係，份量唔多；肉質非常鮮嫰多汁，口感好滑。外皮好香脆，再配埋herb chimichurri醬，同雞嘅濃郁味道相得益彰，好有阿根廷風味，令人一食上癮。一啖接一啖，不知不覺間已經食哂成隻雞。
好食度：⭐️⭐️⭐️✨(3.5/5)
❤️Main Course - 12oz Prime Ribeye (add $168）
12oz Prime Ribeye
129 瀏覽
1 讚好
0 留言
雖然係簡簡單單無咩配菜，但你會感受到廚師用咗好多時間去整個牛扒汁。當你點埋啲汁同牛扒一齊食，你首先會食到牛扒嘅鮮味，之後就食到少少紅酒本身獨特嘅甜味，唔會互相蓋過對方嘅味道。另外記得食埋個蒜頭，蒜頭入口軟糯香口，齒頰留香，大家一定要試下。可惜嘅係我朋友本身係叫咗七成熟，點知上到枱得三至五成熟，火候掌握得唔太好，扣咗少少分。
好食度：⭐️⭐️⭐️✨(3.5/5)
❤️Dessert - Ice cream (coffee ☕️& strawberry🍓)
Ice cream (coffee & strawberry)
115 瀏覽
1 讚好
0 留言
士多啤梨味似藥水味，唔係新鮮士多啤梨味。咖啡味似Häagen-Dazs個咖啡味，普普通通。
好食度：⭐️⭐️(2/5)
❤️Dessert - Nuts Brownie
Nuts Brownie
147 瀏覽
2 讚好
0 留言
本身訂枱前有要求要生日碟，點知侍應唔記得。好彩我一到店內已經偷偷地再通知侍應一定要喺brownie隔離寫happy birthday！個brownie外形好靚，好濃朱古力味，甜度適中。口感外脆內軟，唔會好乾身。入面有好多nuts，但啲nuts係偏淋。brownie配caramel sauce嘅配撘幾唔錯有驚喜，再配埋頂層嘅cream增加咗唔同嘅口感。
好食度：⭐️⭐️⭐️(3/5)
餐廳推薦度：⭐️⭐️✨(2.5/5)
睇其他評論都知呢度service麻麻，我就無遇到態度差嘅侍應，但我見到店內的確有客人同侍應有小爭執。Serve我哋嘅侍應就態度好好，上甜品嗰陣有一齊唱生日歌添😂不過食物質素認真一般，環境就一流，想嚟嘅人就要取捨。整體嚟講，以呢個價錢我可以喺其他餐廳食到更高水平嘅菜式，所以我覺得呢間的確唔太抵食。
張貼
