Bluebird Coffee (上環) (已結業)

前日正當苦惱緊lunch食咩嘅時候，途經呢間裝修得好靚嘅Bluebird Coffee，啱曬鍾意去打卡cafe嘅同學，於是我地就入左去食lunch啦。🐥Chicken & Kimchi Salad $78雞肉嘅份量好多，有大約十件。個調味好好，好香。雞肉食落都滑嫩，完全唔會鞋，配埋泡菜都幾好。沙律菜份量都多，食落都新鮮。呢盒沙律好大盒，份量就好似平時兩三盒沙律咁。仲有啲玉子燒，甜甜地幾夾。🥗Smoked Salmon & Asparagus Salad $78呢份係朋友食嘅，都有好多煙三文魚，仲有溫泉蛋同蘆筍，食落都幾清新。🥐Spinach Cheese Lattice $37呢份芝士菠菜酥啲芝士同菠菜融合得好好，味道香濃，香脆而唔油膩，好食。🍨Blueberry Yogurt $28係唔甜嘅原味yogurt，酸酸地啱曬我。一粒粒原粒嘅藍莓好甜，再配埋granola，酸味同甜味平衡得啱啱好。☕️Iced Latte $38入口順滑，奶香同咖啡香香濃。呢到環境真係一流，唔趕時間嘅話，可以喺到歎一個下午。