翠玉軒

營業中

休息中

在交易廣場中，地點方便，內裡環境令人感覺舒服放鬆，但服務水準一般，食物一般，浪費了個地方。食物分3輪叫，叫服務會比較困難，起碼叫4，5次先有人行到埋身，本人燥底，有少少火。一開始叫了煲老火湯，以及3個前菜。才7點15分，懷舊金錢雞已經冇貨。第2輪，7點20左右，已經有部分菜式冇貨。第3輪，8點，本來想叫花雕蒸虎蝦，個侍應話要等半小時，見我們仲考慮，又話要超過半小時。真係同我唔識野，餵15分鐘酒，蒸3分鐘，等半小時都有多啦，仲話要等超過半小時，即係叫我們不要點啦。好，轉咖喱牛面，這次仲利害，侍應同我地講，因為即炆，要等45分鐘以上。算啦，咁叫個炒飯，半隻脆皮雞食飽就走。其實我覺得如果這裡餸菜存貨少又要等得長時間，不如在菜單上列明每日限量，以及制作時間，令客人點菜時有個心理準備。如果我知樣樣都冇貨，我訂位時就已經落埋單啦。因為冇叫鮑參翅肚，價錢方面都算經濟，7個人才3000左右，信用卡還有折扣，每個人三百幾。但講真，在這位置上食飯，我會預算每人五百至壹千，但食物水準同服務水準反而係重點。我要經濟我就不會在這裡食啦。