彤粵菜小館 (已結業)

昨晚同朋友試新店，位於尖沙咀鬧市嘅樓上食肆，環境一流👍食物質素好味道😋本身對酒樓嘅中菜只是一般，因為覺得大排檔或小店鑊氣好啲，但試咗個咕嚕肉有驚喜，鑊氣十足，甜酸適中（通常食中菜一定會試咕嚕肉😆）蟹肉粉絲窩 ，粉絲比較碎，較難夾😐燉湯杏汁豬肺湯，豬肺洗得乾淨👍個人略嫌杏汁淡左少少🤏個青咖喱雞煲好香好味😋好有泰國風味，甜品非常之驚喜，蔗汁馬蹄糕，依家好少食店用蔗汁整甜品，仲有芝蔴卷，好有兒時回憶，好有懷舊風味🤩總括來說食物好味道有水準👍😋而且價錢合理👍會再去食飯😍