魚塘鴨子 (已結業)

今晚去左魚塘食飯，事關表妹生日而渠個女，人仔細細得4歲不過就勁鍾意食渠地既片皮鴨，哈哈，所以都係遷就返大帝去呢度食啦，即日BOOK台以為冇位好彩有得食頭圍即係6點開飯。一坐低唔洗講甘多，一定ORDER左半隻鴨先因為需時製作。小編因為生飛滋所以都冇叫小編既摯愛鹹蛋蝦球，反而今次叫清清地既賽螃蟹，叫一個雞湯燴麵，蒜茸蒸帆立貝，四季豆，酥炸蟹鉗，總共六個菜，樣樣都好好味道，特別系賽螃蟹，我個姨甥女食到LAM曬脷，小編都覺得真心唔錯既，暫時系食過最好味道既，好滑好香蛋味，裡面加左D魚肉好特別，小編都非常LIKE呢道菜。要講比較唔好味既就係蟹鉗，比較乾身。另外要講既係呢度既茶特別好飲，我地叫左普洱，D茶葉加左玫瑰花，好香好香，好清新呀，小編母親大人非常喜愛。呢度服務都非常好，好殷勤，快手快腳，又成日幫你添茶，小編真係非常滿意，所以食到7：30就醒水早D還台比人，費時阻住人啦。 ENCORE指數100%，皆因食物，服務，環境俱佳，價錢唔貴，我地3大1細埋單1200，都算係甘啦，話曬O系園方食飯，價錢當然唔會太低，但以質素黎講系超值LOR！