一品螞蟻 (已結業)

與媽媽在葵芳血拼完,,去到最底果層見呢間餐廳款式幾多元化而且又未試過所以就試下。兩丁友就比五六個人既梳化位我地坐,,好正呀!!!!!三文魚火龍果沙律 - 惠顧主菜加$30蚊可以有餐湯或沙律+1杯餐飲。三文魚得三塊,賣相與味道均一般,當然唔可以奢求係肥美果啲啦。火龍果很清甜,,沙律菜亦很新鮮冇爛冇黑。焗豬扒飯 - 唔知係咪焗到過左時,,豬扒肉質好韌要咬得大力啲先咬斷,,飯雖然事先炒過但明顯係乾到哽喉而且個茄汁好杰身,,完全中伏。👎👎👎忌廉三文魚野菌闊條麵 - 闊條麵食落好煙韌好有口感而且索曬啲忌廉汁好夠味。😋野菌夠咬口幾爽身,,入口唔錯喎~冰凍奶茶 - 出奇地我覺得呢度既奶茶幾岩我口味,,夠凍之餘而且夠濃,,當然同太x果隻冰震奶茶或者金x,,蘭x園果啲冇得比較,,但以西餐廳水準黎講算叫唔錯。