Green Waffle Diner (形點) (已結業)

好耐冇嚟過元朗，呢間Green Waffle曾經都有食，最記得佢個薯仔鍋粒，所以嚟到呢度今次都要再叫。為咗防疫，佢哋好貼心為顧客預備信封，入定口罩，仲有消毒啫喱可以清潔雙手。呢個環境好特別係開放式，我同三位朋友坐喺大卡位感覺好舒服，而且樓底夠高夠開揚。我哋都食得好舒服，急不及待打開餐牌，映入眼簾有好多健康又有益嘅食物，包括呢度主力推廣嘅沙律Smoothie，仲有佢哋嘅主打窩夫同pancake，聽到都心郁郁。佢哋嘅香辣番茄香腸薯粒鑊仔，真係好滋味！薯仔蕃茄香腸切成一小片一粒粒，好易入口，鑊仔上枱時比較熱要小心燙到手。入邊仲有隻蛋，被芝士包圍着，有拉絲感覺，好正呀。