德國餐廳 (已搬遷) 新店位置

環境不錯的小店平時無行開大角咀，同幾個朋友上星期黎行街，見到依間小店，環境裝修好似外國餐館甘，見食評都唔錯，就入左黎食。果然無失望，叫了幾款經店員推介既燒豬手，皮脆肉嫩，口感豐富。超級香腸拼盤，腸仔好有肉汁，而且有很多款，不錯不錯。卡邦尼意粉，有巴馬火腿點綴，賣相吸引，汁也剛好既質感，同同事都讚好。燒排骨，醬汁非常濃郁，一放上枱，就嗅到好香，口感一流，值得一試。不得不提的是女店員服務態度很好，有禮貌，很親切，又主動幫我地換碟。其次，依度有好多啤酒選擇，我地都揀左兩款，一款系士多啤梨酒，一款系朱古力酒，平時出面餐廳好少見到，兩款酒都很特別，很香。我同同事都非常滿意依餐，下次會再黎。