琛夜食堂 (已結業)

晚上9:30pm搵地方食晚飯一坐低, 店員向我派發一張會員申請表,成為會員享有折扣,但需要留個人資料。今晚涼涼哋就選擇坐室外,環境暗暗地幾靚, 至於今晚室內就冇客,不過傾計都係坐室外開心啲。叫咗幾客串燒,石鍋飯,同埋玉子,對玉子有一定期望。石鍋飯好夠熱,有青口大蝦,味道正正常常一般。 串燒都係一般不過不失, 不過玉子就有啲失望個蛋唔算好香,配上茄汁,冇日本嘅感覺,蛋亦唔係好滑, 令到抱有期望嘅我哋最後食淨左4件。至於服務係唔錯既,侍應都係殷勤,可能因為人唔多所以任我哋坐,要傾計絕對係一個好地方。