微辣大排檔 (已結業)

之前望過微辣大排檔個餐牌都偏貴一點，不過原來有個午市套餐幾抵食，$99蚊有湯、小食、主菜、油菜同飲品。叫兩個餐已經放到成枱都係。味道上個人覺得中規中矩，不過不得不讚裝修擺設，感覺到每一處都有設計過，十分打卡able。當日例湯- 西洋菜豬骨味道較咸但未至於味精湯，豬骨一粒粒咁好散，忍唔住自己畢出黎。小食- 咖哩蘿蔔魚蛋咖哩汁香濃，蘿蔔魚蛋都入哂味!小食- 炸韮菜餃炸得幾脆，肉比韮菜多因此韮菜味唔太夠，一般。主菜- 蝦醬炸排骨估唔到炸排骨蝦醬味都咁出，份量有返咁上下。主菜- 西蘭花炒魚柳呢個份量望落就少咗啲，整體正常。魚柳較鬆散，無乜口感。油菜有菜心、通菜同生菜可以揀，醬汁就可以配搭蠔油、腐乳或腩汁。飲品- 檸蜜 (正常但唔知點解比包糖我)飲品- 瓦煲咖啡 無叫少甜少奶情況下，偏甜，甜度同咖啡糖相約。