素味牽 (已結業)

素味牽據聞係加藤屋嘅分支，第一次去加藤屋，勁多人等位，於是就過咗隔離素味牽食齋。一坐低，環顧四周，非常乾淨整潔，牆上仲掛咗唔少風景相，即刻加分🥳。叫咗個素菜套餐，有兩餸飯同飲品，兩餸我揀咗茄子金菇羊腩同螞蟻上樹。老實講，於我而言，素菜食材來來去去都係蔬菜，豆腐，麵筋類，味道口感大同小異，所以調味好重要。呢兩味餸嘅調味都算豐富，唔會乾噌噌淡茂茂，前者有少許南乳味，後者微辣，唔錯👍。飲品係是日特飲菊花圓肉杞子茶，呢杯認真正，淨係聽個名都知勁滋補，美顏潤喉，菊花清香，圓肉甜甜哋有咬口，好飲😋。