牛石料理 (已結業)

上星期約咗舊同事喺九龍城食晚飯，好耐冇見啦！揀咗間環境企理嘅日本料理餐廳，諗住坐得舒舒服服食飯同傾偈！日式燒雞翼✖️燒雞翼我鍾意食，燒嘢食點可以少得雞翼呀！雞翼燒到金黃色，仲肉質嫩而多汁，好鬼正！珍寶帶子，牡丹蝦，活北寄貝，鯛魚✖️四款刺身各有特色，每一款都有自己獨特嘅味道，海鮮最緊要夠新鮮，好彩呢幾款都係令我好滿意！帶子真係有珍寶嘅size，大大粒！牡丹蝦蝦肉好鮮甜！活北寄貝幾有咬口，都有啲厚度，煙煙韌韌！鯛魚好有魚嘅鮮甜！磯煮鮑魚✖️鮑魚大大隻，而且好厚肉，口感都幾煙韌！豚肉蘆筍卷✖️豚肉蘆筍卷蘆筍清甜，減低豚肉油膩感。海膽吞拿魚腩蓉卷✖️ 海膽鮮甜無比又creamy、吞拿魚腩蓉夠哂肥美，令人回味無窮嘅配搭！