肥姐麻辣餐廳

營業中

休息中

今日返工好大壓力，放工決定食餐好😃喺福來邨附近發現呢間肥姐麻辣餐廳，就入咗去叫咗幾樣嘢試吓✨餐廳環境幾舒服，入面有卡位，有圓枱，而且有一啲中國山水畫作點綴，一個人來又有電視睇唔會悶。我叫咗泡椒雞腳 （$43）招牌水煮魚-細 （$168）清炒土豆絲 （$78）泡椒雞腳入味，雞腳唔會硬繃繃咬唔到個皮，泡椒味幾香，都幾開胃，一碗入邊大概有差唔多10隻雞腳，都幾抵食。招牌水煮魚入邊有足料魚塊，魚係食得出新鮮嘅，唔係急凍魚柳，而且魚係厚身，唔係魚片來嘅，入邊有花椒粒、豆芽，海帶。如果兩個女仔黎食都夠。清炒土豆絲係最驚喜。土豆絲吵到唔會太林，又唔會太爽。土豆絲有少少酸味，幾開胃。如果下次食水煮魚或者酸菜魚，唔想配飯，其實配呢個土豆絲都唔錯。我覺得呢間餐廳，幾適合幾個朋友坐低傾吓計、食吓嘢。地方寬敞，環境比一般打冷舖頭更乾淨、衛生。