TATA KSR 韓式。燒烤 (已結業)

呢間餐廳喺橫街上面所以嗰個環境係比較寧靜。部隊鍋，價錢168元，啲麵上面會有兩塊芝士，如果想食芝士味比較濃嘅朋友，可以先煮滾咗啲麵之後，先夾起面頭嗰啲麵食，會食到好重嘅芝士味。呢個喎會包咗韓式年糕，牛筋丸，午餐肉，翠玉瓜，泡菜。啲麵係屬於韓式，比較有彈性同埋粗身少少嘅。另外我仲叫咗兩串串燒，一串係牛筋丸，另外一串係雞翼，牛筋丸係幾好食，因為佢裏面有牛筋，外面燒得好香脆，而裏面仲有少少肉汁。嘢飲方面叫咗王老吉，甜甜地好似涼茶咁，可以清下熱氣。