The Boathouse (已結業)

相信入過黎赤柱嘅人都會知道The Boathouse呢間餐廳，因為佢外牆好靚，可以話係赤柱嘅打卡聖地！不過黎打卡就打得多，但真係未食過，於是今日同friend黎打完卡之後決定入去試一試佢啲食物。我地叫左2個dish share，第一個有煙三文魚、炒蛋同麵包條。佢個擺碟好靚，又係一個打卡之選。煙三文魚好新鮮，又唔太咸，最鍾意佢個炒蛋唔會太熟夠哂滑。第二份係熟三文魚嘅wrap，入面有好多蔬菜，有青瓜、蓄茄、菜、蘿蔔絲同一種少少辣嘅瓜。個辣瓜可以話係畫龍點睛，帶起左成個wrap嘅味。薯條熱辣辣，炸得好脆口，仲條條都好飽滿！