留白 Livehouse

營業中

休息中

平時行過都唔多留意呢間餐廳，可能因為佢就係表演場地旁邊，會以為係表演場地嘅一部分。今日有朋友介紹平日嚟食午餐，終於有機會可以試下。餐廳有戶外座位，對開就係草地同樹木，仲有一個好開揚嘅天空，坐低感覺好休閒舒服。午餐餐牌比較簡單，叫咗一份多士同豬扒。煙豬腩火箭菜鷹嘴豆泥配酸種包多士沙律菜好新鮮，煙豬腩都好靚，酸種包水準正常。大澳蝦醬烤帶骨豬扒豬扒質素唔錯，好幼嫩多汁，不過蝦醬味唔算強，我覺得濃味啲會更好。呢個場地夜晚會有音樂表演，氣氛應該會更好。