雲泉素食中心

營業中

休息中

位於粉嶺坪輋嘅雲泉仙館，係一個好值得去嘅地方。本身個度嘅廟宇同埋庭園嘅設計非常優美，亦有好多人會去拜太歲。然後順便去坐低食返個齋先走。·雲泉仙館嘅餐廳，食嘅當然係中式齋。係以半自助嘅形式經營。首先你要去售票處嗰度落單俾錢（有相睇），可以喺雪櫃拎埋汽水或者飲品俾錢。然後行返去餐廳嗰邊坐低。白飯自己裝。然後侍應會上菜。·今次叫咗素春卷同素鵝雙拼同埋豉椒炒素田螺。一上菜真係嚇一嚇，因為超級大碟！春卷同素鵝料就 standard 嘢，但係炸同煎得香脆。豉椒炒田螺好惹味，不錯。