日和号壽司料理 (已結業)

早幾日約左班朋友食飯, 大家都想食日本野, 而且呢間鋪頭仲新出左芝士火鍋所以就一齊去試試佢。門面都幾靚, 裝修唔錯, 夠光猛! 入面啲位都好闊落, 而且壽司刺身部採用開放式魔房設計, 睇到師傅在入面為大家預備食物, 有特色。 刺身三人前 ($288)入面都幾多刺身, 有三文魚, 油甘魚, 北寄貝, 八爪魚, 甜蝦等等。 種類都算多, 同埋新鮮, 不過份量就嫌少左啲。雙重芝士海鮮火鍋燒 ($268)呢個鍋有薯角同埋粟米粒可以放上鐵板燒, 然後再淋上芝士醬, 唔錯! 仲有個蕃茄湯在中間可以將其他海鮮放入去煮, 整體黎講算OK。