影片
更多
2019-08-29
2663 瀏覽
聽同事講公司附近有間素食館，叫麗姐廚房，好好味，於是我地lunch都去試下。可能大家都知好味又抵食，去到時幾乎座無虛席的，好彩剛好仲有位，唔洗等。入到去發現成間餐廳都擺滿佛學裝飾，望住d有意義既句子，坐響附近食飯，其實心中都覺得安寧。講反餐廳，佢大廳係自助式三餸一湯，白飯任裝（其實湯都係）。禁先50蚊，響灣仔來講好抵食。佢餐牌上既食物賣晒就會換其他，所以有想食既就要快。另一邊有廂房，入面就食其他精緻既素食，當然相對會貴dd。我地兩個人食，剛好可以點晒6款食品。南乳齋，蒸水蛋同椒鹽雞脾係要推介下，蒸水蛋好滑，椒鹽雞脾明明係齋，又可以食到雞脾質感，好正！雖然佢睇落細細份，食完其實好飽肚，要特別講下d飯唔係純白飯，有紅米同小米，幫助大家消化。另外湯既料都好足，花生連藕都好多，而且飲得岀係老火湯，無味精，大讚！另外佢仲有中式甜品可以叫，每日款式都不同，有無你喜歡既款都要靠運氣。另外要提下餐廳職員全部都好友善，個個都笑容可掬，又會幫助下唔熟習點餐程序既客人。老實講，灣仔呢個價錢，食到呢種環境同服務，真係一流。有時間都會再反來食！
入到去發現成間餐廳都擺滿佛學裝飾，望住d有意義既句子，坐響附近食飯，其實心中都覺得安寧。
講反餐廳，佢大廳係自助式三餸一湯，白飯任裝（其實湯都係）。禁先50蚊，響灣仔來講好抵食。佢餐牌上既食物賣晒就會換其他，所以有想食既就要快。另一邊有廂房，入面就食其他精緻既素食，當然相對會貴dd。
我地兩個人食，剛好可以點晒6款食品。南乳齋，蒸水蛋同椒鹽雞脾係要推介下，蒸水蛋好滑，椒鹽雞脾明明係齋，又可以食到雞脾質感，好正！
雖然佢睇落細細份，食完其實好飽肚，要特別講下d飯唔係純白飯，有紅米同小米，幫助大家消化。另外湯既料都好足，花生連藕都好多，而且飲得岀係老火湯，無味精，大讚！
另外佢仲有中式甜品可以叫，每日款式都不同，有無你喜歡既款都要靠運氣。
另外要提下餐廳職員全部都好友善，個個都笑容可掬，又會幫助下唔熟習點餐程序既客人。老實講，灣仔呢個價錢，食到呢種環境同服務，真係一流。有時間都會再反來食！
張貼
