影片
更多
2008-05-02
9 瀏覽
睇過雜誌及網上介紹，特登揸車慕名而至，當中有讚有彈：讚：- 環境真係一流，好有泰國Resort feel，同朋友傾計，同女友食飯都係好選擇 - 即叫即炭燒o既海鮮好好味，d貨都好新鮮；炭燒大蜆$88半打，好好味 - 我o地兩個人去，一早打電話book o左位，响等位人海裡面只係等o左5分鐘就有檯，算OK- 我o地book outdoor，佢俾o左張四人檯我o地；但並冇因為人多而夾硬搵人搭檯- 免費泊車，代客泊車o既人亦唔會主動問你攞tips彈：- 服務真係非常極度有待改善，首先同我o地講有檯，然後帶我o地坐o左响張仲未執o既檯，感覺好污漕（唔明點解唔執好先帶客人坐低），望住人o地食完o既野同杯碟等o左5分鐘先有人執野，跟住再等5分鐘至有人擺好個位（好彩呢10分鐘內引開女友注意力去選海鮮）- 服務員真係好正，個個都扮到好似望你唔到，又聽唔見你叫咁；平均你舉手叫人serve你，需要最少舉4-5次先會有一次成功叫得停d服務員；而每次成功叫停佢之後，除o左落單同埋單，基本上其他request只會應o左就算，完全唔會真係幫你跟（例如：加水，d食物需要extra醬汁，追未出o既order等…你有你
讚：
- 環境真係一流，好有泰國Resort feel，同朋友傾計，同女友食飯都係好選擇
- 即叫即炭燒o既海鮮好好味，d貨都好新鮮；炭燒大蜆$88半打，好好味
- 我o地兩個人去，一早打電話book o左位，响等位人海裡面只係等o左5分鐘就有檯，算OK
- 我o地book outdoor，佢俾o左張四人檯我o地；但並冇因為人多而夾硬搵人搭檯
- 免費泊車，代客泊車o既人亦唔會主動問你攞tips
彈：
- 服務真係非常極度有待改善，首先同我o地講有檯，然後帶我o地坐o左响張仲未執o既檯，感覺好污漕（唔明點解唔執好先帶客人坐低），望住人o地食完o既野同杯碟等o左5分鐘先有人執野，跟住再等5分鐘至有人擺好個位（好彩呢10分鐘內引開女友注意力去選海鮮）
- 服務員真係好正，個個都扮到好似望你唔到，又聽唔見你叫咁；平均你舉手叫人serve你，需要最少舉4-5次先會有一次成功叫得停d服務員；而每次成功叫停佢之後，除o左落單同埋單，基本上其他request只會應o左就算，完全唔會真係幫你跟（例如：加水，d食物需要extra醬汁，追未出o既order等…你有你叫，佢有佢應，但要求過4,5次之後都係唔會得到你想要o既o野，吹脹！）
- 室內好嘈（去toilet時經過），地下果層仲會附送廚房油煙，可以的話最好坐室外
- 除即燒O既海鲜外，其他食物同一般泰國餐廳差唔多，冇咩特別
張貼