I's Land Cafe (已結業)

同家人又黎觀塘區搵食，姐夫帶路話想食呢間好耐，咁又試下啦。我地食早，入到去得3成人，枱多到1不得了，但帶位待應唔比揀位，話好爆，咁又奇怪，我又唔信全部人訂枱都指明要邊張枱！Anyway……….店裡面雖然唔係高級餐廳咁豪裝，但佈置好有心思，好有Café Feel……….枱同枱之間有小小密，但係佢地同高身書架隔開，感覺唔同晒，值得一讚。Menu 選擇唔多，揀左個美國頂級肉眼伴燒鵝肝。餐湯為雜菜湯，足料而味道濃郁，味道似羅宋湯，可能以雞湯做底。跟湯茸法包毫不吝懎，夠你每人兩件，而且塗上左厚厚既蒜茸牛油，好香又脆，正！美國頂級肉眼伴燒鵝肝賣相都唔錯，不過就得個樣，鵝肝唔脆，入面好散，唔滑，牛扒夠大件，但係肉味好淡，燒得唔似個樣咁香口…有少少失望…甜品方面，豆腐芝士餅好散，而且好似雪左好耐，無味道兼唔得……Waffle都係得個外表，唔係好脆口之餘，個漿入面唔勻均…如果只要一個舒適既環境而對食物質素要求唔高的話，可以考慮同朋友黎HEA下，想食好野的話，就唔會揀呢度！