香港嘉里酒店大堂茶座

營業中

休息中

繼上一個星期六試完佢個朱古力下午茶之後，今日星期日心郁郁想黎試下佢其他鹹野食。同埋講真，比呢到個環境吸引左。而家係香港，好少地方可以禁relax，自從 elements 比人攻陷左之後，九龍區就更加難搵到，近近地都要去到新界區。星期一至五，返工放工已經忙忙碌碌，難得放假，真係想放鬆心情。今日試左佢個豬腩肉包，The Hong Kong Club。豬腩肉包都ok，不過食完真係好有罪疚感，因為佢舊腩肉真係好肥😂The Hong Kong Club，睇名，會以為佢係club sandwich，其實完全係2回事。其實係墨西哥卷黎😂，但係又出奇地唔錯喎。加埋佢地個薯條，絕配丫。小插曲：今日食到尾聲想飲杯水。結果...叫左3個唔同嘅人，一共4次，前後共30分鐘。終於比到杯水我地。環境無得輸，不過人手同服務真心有改進嘅地方。酒店我真心唔預計會發生呢啲事。