一鍋烽

營業中

休息中

晏晝突然好想打邊爐，就卜左呢間餐廳食晚飯。行到去門口見到有雞煲食，即係轉軚食雞煲邊爐！由於呢個商場比較偏僻，吾近地鐵站，所以食飯嘅人都比較少。店內嘅裝修都有點中國古典風，感覺私隱度比較高，加上人吾算太多，好適合傾計食飯。等左一陣個雞煲終於黎喇，食落個醬都吾錯，夠哂濃，好彩叫左小辣，因為有啲辣椒係度真係會越煮越辣。雞就普通啦，不過不失。呢個餐本身會送一碟靚牛或者海鮮，但海鮮每位要加20蚊，結果我地㨂左牛。我地叫左好多打邊爐嘅配菜，佢會因應人數去比，丸嘅話兩個人就兩粒，所以幾好。不過啲牛有啲失望，擺就擺得幾靚，不過佢未解凍，仲成舊冰咁。結果舊牛食落冇牛味，淨係知自己食緊肉。後來有一兩片好似多番少少牛味，吾知關吾關解凍事？其他野都冇乜特別。open rice 卜有8折，結果每人300蚊左右。