影片
更多
2022-11-30
124 瀏覽
尚上下夏，個店名同個店舖嘅環境一樣都好得意，好有創意！每幅牆都畫有唔同嘅貓貓，顏色鮮豔，趣緻可愛！令‘’食雞煲打邊爐‘’呢件好似好麻甩嘅事，即時變得不一樣，好似感覺優緻左😎😌😆餐廳仲有室內同室內既座位。室外應該可以方便食煙，室內就有電視，適逢呢排世界盃，可以大班朋友一路睇波一路打邊爐正！另外仲有具私隱度既房仔位置添！一坐低店員就已經準備好醬料俾我地揀，有豉油、葱、辣椒、蒜蓉、炸蒜、沙嗲醬、花椒油，都好齊全。雞煲（半隻雞） $168雞煲有得揀雞脾/雞胸/全隻雞，雞脾就啖啖肉，不過都係鐘意有骨雞件，配辣汁有得啜下，其實好滋味！經驗所得，2個人叫半隻就夠！呢度既小辣，辣度啱啱好，雞煲非常惹味！入面仲免費有豬皮！！豬皮索晒d雞煲汁，超好食！另外店員服務好好，時不時會行過嚟幫我哋畢下個雞煲，調較火力，make sure個雞煲唔會黐底。食到中間，個碟多骨，又會主動幫我哋換碟。服務讚！👍👍👍食完雞煲可以加湯再打邊爐，我哋揀咗瑤柱群翅雞湯，只係因為本身已經有個雞煲醬汁底，再直接加湯喺入面，未能完全食飲到雞湯。不過雞煲配雞湯，非常夾既！味道夠濃，其實後面嘅食物都唔使點醬汁。手切頂級安格斯$175 睇樣都
個店名同個店舖嘅環境一樣都好得意，好有創意！
每幅牆都畫有唔同嘅貓貓，
顏色鮮豔，趣緻可愛！
令‘’食雞煲打邊爐‘’呢件好似好麻甩嘅事，
即時變得不一樣，好似感覺優緻左😎😌😆
餐廳仲有室內同室內既座位。
室外應該可以方便食煙，
室內就有電視，
適逢呢排世界盃，
可以大班朋友一路睇波一路打邊爐正！
另外仲有具私隱度既房仔位置添！
一坐低店員就已經準備好醬料俾我地揀，
有豉油、葱、辣椒、蒜蓉、炸蒜、沙嗲醬、花椒油，
都好齊全。
雞煲（半隻雞） $168
雞煲有得揀雞脾/雞胸/全隻雞，
雞脾就啖啖肉，
不過都係鐘意有骨雞件，
配辣汁有得啜下，其實好滋味！
經驗所得，2個人叫半隻就夠！
呢度既小辣，辣度啱啱好，
雞煲非常惹味！
入面仲免費有豬皮！！
豬皮索晒d雞煲汁，超好食！
另外店員服務好好，
時不時會行過嚟幫我哋畢下個雞煲，
調較火力，
make sure個雞煲唔會黐底。
食到中間，個碟多骨，又會主動幫我哋換碟。
服務讚！👍👍👍
食完雞煲可以加湯再打邊爐，
我哋揀咗瑤柱群翅雞湯，
只係因為本身已經有個雞煲醬汁底，
再直接加湯喺入面，
未能完全食飲到雞湯。
不過雞煲配雞湯，非常夾既！
味道夠濃，
其實後面嘅食物都唔使點醬汁。
手切頂級安格斯$175
睇樣都知高質素！
油花平均，望落色水新鮮
打邊爐浸一浸，唔使太耐，
食落肉質好滑，肉味亦濃。
珊瑚蚌拼桂花蚌$133
有得雙拼，可以一次過食2樣！
兩種蚌都好鮮味！
淥一陣，卷起就食得，
好新鮮，脆卜卜！
招牌手打四寶丸$60
有墨魚丸、雞肉丸、蝦丸、豬肉丸，
每樣2粒。
全部都係手打自家製，大大粒夠足料。
$60試到咁多款！呢個必叫！
墨魚丸、蝦丸新鮮彈牙，好食！
比較特別係個雞肉丸，
唔係好多地方有，都值得試下。
臨走店員仲同我地介紹，
餐廳將會推出尚夢飲食集團會員app，有好多迎新優惠，
可以留意下！
張貼
