GAVI

營業中

休息中

朋友帶我黎呢間裝修得好靚嘅西餐廳，環境非常靚，又坐得舒服，價錢唔算太貴，唔錯。松露野菌湯店員推介加20蚊可以加酥皮，酥皮焗到脆卜卜，浸埋落d湯果度，吸晒湯嘅味，好正，個湯好creamy,好濃嘅松露味，好香好滑。日式櫻花蝦炸豆腐擺盤好靚，好有日式feel,食落豆腐非常嫩滑，外皮唔係用一般炸粉，而係用櫻花蝦包住d豆腐炸，好香口，食到好濃嘅蝦味。蜜汁燒焗花雕醬香雞一上枱就聞到好香嘅花雕酒嘅香味，雞皮燒到全部油脂冇晒，食落塊皮好脆卜卜，而雞肉都非常嫩滑。龍蝦汁蟹肉扁意粉扁意粉嘅質地好煙韌，完全冇overcook,個汁係好濃郁嘅龍蝦味，而上面鋪滿好鮮甜嘅蟹肉，成個意粉個味道非常夾。利賓納荔枝乳酸梳打夏天最啱飲有汽嘅飲品，呢個梳化飲落唔算太甜，有好清新嘅荔枝味同利賓納味，仲有香甜嘅荔枝肉，好fresh。