影片
更多
2019-03-01
1919 瀏覽
細佬生日揀咗呢度同佢慶祝食飯，之前睇過相都覺得幾吸引今次可以嚟試吓😍呢度環境好大而且好舒服，outdoor其實都幾正見到好多外國人響出面飲吓嘢傾計好Chill咁😍不過我哋就選擇咗入面嘅梳化位一樣坐得好舒服~❤️啲嘢食總括嚟講都好好味等我逐個介紹下😆🤤首先餐前麵包已經要一讚，麵包送上嘅時候熱辣辣，外脆內軟口感煙un,配埋佢哋嗰個鹽味好滑嘅牛油，好食到我哋三個人總共refill左四次😂😅Starters叫咗2個🍽Traditional duck foie gras terrine：呢個係一個凍嘅鴨肝，另外配左啲麵包可以配埋鴨肝一齊食，個鴨肝味道香濃，好夾送酒，好特別同好好味！👍🏻Tuna tartare: 呢個吞拿魚他他整得好好食！😍吞拿魚係切得比較大粒嗰種，配上火龍果、三文魚子，加埋個醬汁好清新同好好味！👍🏻🤤主菜方面要咗兩個，Creamy truffle fettuccine with chestnut:呢個係一個忌廉松露汁寬條麵，麵條質地幾Al dente,個汁好濃嘅牛油忌廉味，上面有d黑松露片，側面有幾粒甜甜地嘅栗子配菜，整體來講都幾好食😋不過又未算話係勁特別果種；👍🏻Prime u
啲嘢食總括嚟講都好好味等我逐個介紹下😆🤤首先餐前麵包已經要一讚，麵包送上嘅時候熱辣辣，外脆內軟口感煙un,配埋佢哋嗰個鹽味好滑嘅牛油，好食到我哋三個人總共refill左四次😂😅Starters叫咗2個🍽Traditional duck foie gras terrine：呢個係一個凍嘅鴨肝，另外配左啲麵包可以配埋鴨肝一齊食，個鴨肝味道香濃，好夾送酒，好特別同好好味！👍🏻Tuna tartare: 呢個吞拿魚他他整得好好食！😍吞拿魚係切得比較大粒嗰種，配上火龍果、三文魚子，加埋個醬汁好清新同好好味！👍🏻🤤
主菜方面要咗兩個，Creamy truffle fettuccine with chestnut:呢個係一個忌廉松露汁寬條麵，麵條質地幾Al dente,個汁好濃嘅牛油忌廉味，上面有d黑松露片，側面有幾粒甜甜地嘅栗子配菜，整體來講都幾好食😋不過又未算話係勁特別果種；👍🏻Prime u.s beef ribeye:呢個係佢哋話最受歡迎嘅main course當然要試吓😍份量十足有成500g，肉質幾嫩有肉汁，好香嘅炭燒味，雖然未算係好濃郁嘅牛味，但係整體來講都係非常高質！👍🏻🤤伴碟個焗千層薯塊都好好味！🤤👍🏻另外我哋叫咗兩個side dish，個蘑菇整得好香好好食!👍🏻😍三個人好快就K.O.晒呢份扒😆
跟住到甜品時間，其實幾款都想食😍不過揀咗兩款嚟試咗先～ Cream bulee: 呢個份量好大係for share嘅份量,整得幾好同幾香滑，入面好濃嘅雲呢拿味，配埋面頭嘅香蕉一齊食好好味！😍🤤👍🏻Chocolate soufflé:呢個朱古力疏乎厘真係一定要食😍😍質感好似空氣一陣風咁，配埋好香濃嘅朱古力醬，呢個真係勁好食！好快秒速就俾我哋掃晒仲覺得唔夠喉添🤣😍🤤下次一定要再encore！😍
呢度無論環境食物都係好好，服務都ok,不過感覺佢哋比較忙有時叫佢地都有啲難度😅唯一唔好就係冷氣真係超大啲風吹住個頭，本身一去到叫個女侍應可否較細啲冷氣佢竟然話唔得🙄🙄食完餐飯凍到我頭都痛埋😖😅不過食咗咁多美食都抵返晒嘅🤣😝希望餐廳可以留意番呢方面🤭
張貼
