McSorley's Brewhouse & Grill (已結業)

大家都知我最鍾意係油尖旺出沒 間唔中都要去比較高級少少既地方行下 今日就去到圓方到睇下野 橫掂一埸黎到就緊係搵間好野食下啦 我地行到一個露天平台就見到呢間 McSorley's Brewhouse & Grill 咁就入去食啦 入到去氣氛一流 少少暗 幾有情調 最適合慢慢坐係到摸住杯底傾計啦好啦 首先叫左一個芝士通粉 唔好睇小呢味芝士通粉 佢將非常多既濃香芝士融化左之後撈入通粉入面 直頭係我食過最正既通粉呀牛肉漢堡 另一道叫人驚喜既菜式 擁有香濃麥香既包夾住肥美多汁又厚既牛肉 叫人食指大動肉眼牛扒 火侯控制得岩岩好 個皮有少少焦香味但完全鎖住肉汁係牛扒入面 而且牛扒肉質非常嫩滑 好好正最後就點左三文魚柳 三文魚柳比三文魚扒優勝之處係佢燒完都唔會點乾身 仍然有好多肉汁 今次呢個魚柳都唔例外 少少鹹味更能帶出三文魚既鮮味