SUIT MODERN IZAKAYA SAKE BAR

營業中

休息中

經過上環見到呢一間餐廳，見到覺得幾吸引，所以決定同朋友入去試吓！-Daily special sake mussel ($138)當日去嘅時候嘅today’s special! 用咗清酒同牛油去煮青口，調味做得啱啱好，每一隻青口都佈滿湯汁，好食。擺盤都有做，所以望落去就已經好吸引。-Grill Green ($88)一餐入面又點可以少得菜。Grill green 利用Miso butter去煮茄子、山藥、秋葵、粟米筍、南瓜等嘅蔬菜。本來我自己唔係一個好鍾意食菜嘅人，但係呢一種調味就令到啲菜入味，而同時又食到菜本身嘅清甜。-Yam & Hoi Mei ($138)用咗山藥做base 嘅大阪燒，入面有啲乾海鮮，幾特別。-Yaki Ori Poke ($158)有幾款魚生（赤身、帶子、三文魚子）同埋牛油果粒，下面再配有一個燒飯團。燒飯團較為濃味，同啲魚生粒一齊食好好味。-店員服務幾好，會仔細介紹每一樣送來嘅食物，令客人可以更了解自己食緊嘅食物。現場環境都唔錯，餐廳入邊有一件恤衫幾特別。