London House Gordon Ramsay (已結業)

好彩book咗位，所以過程比較順利。到嘅時候已經好多人，同尖沙咀果邊唔同嘅係尖東哩度外國人居多，氣氛幾好。哩度係英倫風嘅bar，唔係開大餐食fine dining，其實咁都好，飲兩杯食下野，樂得簡單。食英國野，fish and chips 係其中一個見功架嘅菜式。炸魚脆漿薄得嚟夠脆，唔錯，魚肉口感ok。果個似係青豆醬，好食。薯條都係我中意嘅款。份量比我想像中大。另外叫咗個Lamp Chops，好似話係特別野。件數都係好足，兩個人非常夠。肉質唔錯，有肉汁但係唔會好膩。食下酒飲下酒吹下水一流。總體感覺唔錯，以英倫酒吧風格嚟講相當唔錯。而且環境幾好，開揚有海景，熱鬧但係唔會覺得好亂。價錢喺哩D咁嘅中心區域算係相宜。