泫居酒屋

營業中

休息中

今次難得放假，鼠尾草就嚟咗九龍城區。呢句有新有舊，新嘅係呢幾年起咗地鐵站之後，藉此開拓咗好多啊新嘅地方可以去。以前要搭巴士，如果係外區嘅人，都好難入到嚟搵嘢食、搵嘢玩、或者行街。依舊嘅就當然係講緊呢度嘅文化，同埋呢一個社區嘅舊樓啦。嚟緊重建計劃開始咗之後，呢度好多建築物都會拆咗，活化完之後，相信好多嘢都會唔同晒啦。所以今次有機會就嚟呢區行吓，同埋試吓唔同嘅餐廳啦。今次嚟到一間環境都唔錯嘅居酒屋，而且重點係距離地鐵站出口都幾近，因為話晒宋王臺站行去九龍城市區段路都幾長，行完咁大段地鐵站嘅隧道之後，出到嚟好近，已經慳返好多腳骨力。而今次呢個三文魚刺身丼，份量好多，影出嚟大家都見到好靚！而且味道合乎預期，都幾好。