La Serre

營業中

休息中

喺牛頭角/觀塘海旁有一間玻璃小屋餐廳，夜晚氣氛一流，成間餐廳俾一串串小燈泡包圍住好靚，而且仲有indoor and outdoor seats，室內就可以嘆住冷氣咁透過落地玻璃望出面嘅景，室外就直接望住觀塘海旁同緩跑徑，喺度同朋友飲杯嘢chill吓啱晒嚟到依度梗係要嗌吓cocktail，Daiquiri揀咗士多啤梨味，飲落微酸都refreshing，而The Ocean就放咗鯊魚啫喱糖配合返個造型，飲落就第一啖rum味重之後有陣陣嘅菠蘿同奶味，成個味配合gentle番。而且我哋仲order咗啲小食同主食，Chicken stick 帶點微微嘅胡椒味，炸得香脆而且啖啖肉，Main就叫咗Pork Ribeye同Duck breast，tbh佢哋嘅主食一般般，鴨胸同豬扒都煮得唔夠熱，韌身同肉質唔夠嫩滑難入口，同比較大塊要再自行切細塊啲先易入口，建議食扒之前要同餐廳講煮熟啲先好叫，或食主菜揀飯或意粉可能會穩陣啲好彩配菜同薯角都還好。總括嚟講環境都chill而且啱傾偈，建議食晚餐就免，過嚟飲下嘢就Ok吧。