堤諾比薩 (已結業)

Tino係深水埗食街入面唯一嘅西餐廳，入邊嘅環境裝修都唔錯，雖然唔知點解我我會聽到韓文歌😂(都有英文歌)店員都比較忙，所以落單嗰陣都會叫你快少少，同埋要等一等佢，但店員都好有禮貌！今次係晚餐嘅時間去食，就嗌咗: 1️⃣芝士薯條: 好香嘅薯條，出到嚟都依然係脆脆的，配埋芝士，非常之邪惡😈，但非常好食。2️⃣鳳梨熏雞薄餅: 比我哋預期中有啲細份，但兩個人食係絕對夠！呢度嘅薄餅係會幫你加埋鳳梨架😉 唔知你又係唔係支持pizza 要唔要有菠蘿呢？ 講返個薄餅，個餅底好厚，但果雞味好濃烈。3️⃣海鮮拌麵: 個面係非常之乾，海鮮好似白烚咁樣樣，拌麵就會比較清淡，呢個就唔係好推薦俾大家食啦😉