荔園茶餐廳 (已結業)

睇見個內在裝潢都知主打懷舊茶記食品，入去見到好多嘢都係想打造回憶70年代嘅相片。但係打開餐牌啲食品一般都係茶記嘅嘢，並非真係全部舊式食品。可算係集合新舊於一身，可讚!但係茶記食品並非只為頂肚，食品質素都好緊要。呢度普普通通囉，唔會有乜驚喜。因為佢唔會用什麼特別食材做特別嘅嘢，粒粒西多反而我個人覺得麻麻。因為出嚟已經有晒糖漿喺面，淋咗。冇辦法呢個年頭食材來貨咁貴，做乜都要計成本呢樣我知嘅。所以都係正正常常嘅茶記，單價貴啲係地利環境同裝修，都係合理嘅。一讚係服務員，態度好嘅。簡單上菜講一句"請慢用"已經係茶記之中少有之中嘅少有。