The Francesco

營業中

休息中

今日特登過大角咀搵呢間聽聞係由羅馬大廚主理嘅意大利餐廳，店入面比我想像更寬敞，座位舒適，燈光氣氛上亦感覺唔錯。🍴牛肉醬粗管意大利粉純用牛肉製作嘅蕃茄肉醬，加上兩隻手指咁粗嘅大管意大利粉，最後灑上格拉娜帕達諾芝土碎，食落肉味香濃，蕃茄嘅酸甜適中，仲帶有意大利芝士嘅香味，越食越開胃。🍴亞洲式烤鱸魚上枱果陣嚇咗一跳，超級大條鱸魚絕無欺場😂，原條烤製後再鋪上由香茅、芫茜、番茄、紅葱頭製作嘅醬汁，味道方面最抵讚佢係完全無腥味而且肉質夠晒滑，魚肉本身味道清淡，但撈埋醬汁一齊食味道就fit晒，伴碟嘅沙律菜都好好味。🍴即製手功提拉米蘇即叫即製嘅提拉米蘇，外表同外面食開嘅好唔同，口感方面手指餅非常鬆軟，芝士忌廉亦夠滑，食落咖啡味非常強烈且帶有酒香，甜道適中，整體味道比較豐富，各種材料味道都好突出。🍴菠蘿汁甜度啱啱好，飲落仲有粒粒菠蘿肉，好飲😋。