巧得鍋 (已結業)

今日book左枱，所以一入去就有位了。呢度環境好好，裝修都好靚，所以係個好好坐同傾計既地方。之後睇下有咩食先。款式都好多，而且價錢都好公道。野飲跟餐半價。首先黎左前菜，雖然通常沙律都係無乜擺位，但唔知點解感覺有d頹？味道就唔錯的。我叫左個玉子鰻魚飯，好好食，我反而鐘意個玉子，好重蛋香。至於鰻魚都幾大舊，飯係珍珠飯，岩我心意。呢個係珍珠帶子飯，其實食落係好食的，但賣相真係唔吸引，好頹咁，好碟頭飯既感覺，希望可以改進。呢個係麻辣特飲，不過其實一d都唔辣，可能本身食開辣野所以感覺唔到呢種淡淡的辣？感覺似水果梳打多d，不過幾好飲。至於呢個係芒果榴槤特飲，身為芒果+榴槤狂熱者既我覺得唔好飲，無芒果香、都無榴槤個種質感，不建議簡。總結：環境好好、食物份量大、味道唔錯，但賣相需要改進。