韓讚 (已結業)

第一次來韓讚，未開始食就已經覺得應該好味。點解？因為環境已經非常適合我的風格 (忘記影環境了 /_\)，落地大玻璃採光一流，而且擺設整齊簡約，有少少田園風的感覺，未食先拎分！不過，味道始終最重要，而食完韓讚的結論就係......下次可以再黎喎！先點一個沙律，清新爽口的蔬菜非常滿意，入口新鮮又脆脆，大愛超甜及多肉的蕃茄，份量比想像中大，抵食。我最愛的韓式包飯，用料十足無花假，好少見到有餐廳會包到咁大件而且足料，味道不錯。好味的海鮮煎餅，又是落足料之作，海鮮比想像中多，幾乎每啖都食到海鮮，而且煎餅不油膩，入口不會覺得只有粉，難得地好味道。韓潮春川芝士鍋，視覺及味覺都大滿分。店員會在面前開火處理食材，先炒香雞肉，再加入蔬菜，當炒香後味道就會慢慢飄出，未食已經流口水！其實韓讚的食物份量比想像中大，原本兩個女仔以為可以食哂，但最後都剩低1/3要打包，如果男仔黎食就應該覺得剛剛好。煮完的雞就放係中間，入口香辣重口味，雞件滑溜不油膩，而蔬菜就吸收辣汁，非常惹味。爐邊的芝士可以用來沾雞件，味道濃郁，包裹辣雞同食正正正呀！